नेपाल पर्वतारोहण संघका माउन्टेड लिडर एण्ड ट्रेनिङ कोर्डिनेटर लक्षुमन तामाङले (लक्षु बम्जन) तीन सय विद्यार्थीलाई शैक्षिक सामग्री वितरण गरेका छन् ।
सोलुखम्बुको दुधकुण्ड नगरपालिकाको विभिन्न वडाका पाँच वटा विद्यालयमा शैक्षिक सामग्री वितरण गरेका हुन् ।
बम्जन सोसल सर्भिस नेपालको सहयोगमा शिसा कला आधारभूत विद्यालय, जनचेतना आधारभूत विद्यालय, गोरखानी आधारभूत विद्यालय, तेञ्जिङ नोर्गे आधारभूत र स्वर्णीमा आधारभूत विद्यालयमा उक्त सामग्री वितरण गरेका हुन् ।
।
सगरमाथा आरोही समेत रहेका लक्षु बम्जनले २०११ देखि उक्त अभियान सुरु गरेका थिए । उनका अनुसार भलिबल, फूटबल, ब्याडम्यान्टिन स्किपिङ लगाएतको सामग्री वितरण गरिएको हो ।
दुधकुण्ड नगरको वडा ३, ६, ९ र १० मा रहेका विद्यालयका विद्यार्थीलाई ६ महिनालाई पुग्ने शैक्षिक सामग्रीसहित झोला, विद्यालय पोषाक, टिसर्ट लगाएतको सामग्री वितरण गरेका हुन् ।
