काभ्रे, चौरीं देउराली । श्री बाल कल्याण प्राथमिक विद्यालयको २५औं स्थापना दिवस मनाइएको छ ।
काभ्रे जिल्लाको चौंरी देउराली गाउँपालिका ६ स्थित कात्तिके देउरालीमा जापानिज नागरिक दम्पती ताकेओ हातोरी र फुमी हातोरीले सो विद्यालय स्थापना गरिएको थियो ।
यस क्षेत्रमा स्थानीयको शैक्षिक क्षेत्र सुधारका लागि विद्यालय स्थापना गरिएको संस्थापक सदस्य तथा शैक्षिक प्रणेता सन्तवीर लामाले जानकारी दिए ।
सो विद्यालयले सयौंको संख्यामा विद्यार्थी उत्पादन गरिएको बताउँदै लामाले भने,‘जापानिज नागरिक हातोरी दम्पतीले विद्यालय स्थापना गरिएकै कारणले यस क्षेत्रको बालबालिकाले प्राथमिक तहको अध्ययन गाउँमै गर्न पाएको छ । यो विद्यालय यस क्षेत्रको पहिलो ज्ञान केन्द्र हो ।’
उनका अनुसार जापानिज नागरिकले निर्माण गरिदिएको सो विद्यालय भूकम्पले समेत प्रभावित गर्न नसकेको र अहिले पनि सोही भवनमा पठनपाठन भइरहेको छ ।
‘हातोेरी दम्पती यस संसारमा नभए पनि उनीहरुले देखाएको शिक्षाको ज्योतिले यस ठाउँमा उज्यालो छर्ने छ,’ लामाले भने ।
विद्यालयमा अहिले कक्षा पाँच सम्म अध्ययन भइरहेको प्रध्यानध्यापक प्रेम प्रसाद चौलागाइले जानकारी दिए । उनका अनुसार ७ जना शिक्षक र करिव ४० जना विद्यार्थीहरु रहेका छन् ।
२५ औं वर्ष गाँठको अवसरमा सो विद्यालय स्थापना गर्ने मध्येका अर्का सदस्य नोरिको आशिदाक्षिले ३३ वर्ष अघिको विद्यालय र अहिलेको विद्यालयमा धेरै फरक भए पनि शिक्षक र विद्यार्थीहरुले समाजमा सकरात्मक सन्देश दिने उदेश्यले पठन पाठन गर्न अनुरोध गरेका थिए ।
यस अवसरमा विद्यालयका छात्राछात्रलाई शैक्षिक सामाग्री समेत वितरण गरिएको थियो । साथै विद्यालयका संस्थापकप्रति हार्दिक श्रदासुमन अर्पण गरिएको थियो ।
