नेपाल वायुसेवा निगमको इतिहासमै पहिलो पटक खुल्ला प्रतिस्पर्धामार्फत महाप्रवन्धक छनौट हुँदैछ। निगम सञ्चालक समितिले १५ दिनको समय सीमा दिएर महाप्रवन्धकका लागि इच्छुकहरुका लागि आवेदन दिन दिएको समय सिमा बिहीबार सकिएको छ।
संस्कृती, पर्यटन तथा नागरिक उड्डयन मन्त्रालयका प्रवक्ता जयनारायण आचार्यका अनुसार बिहीबार कार्यालय समयभित्र १६ जनाले आवेदन दिएका छन्। निगमले २०८२ कार्तिक २७ गते गोरखापत्र राष्ट्रिय दैनिकमा १५ दिनको सूचना प्रकाशित गरेको थियो।
प्रवक्ता आचार्यका अनुसार आगामी सोमबारसम्ममा छनौट समितिको बैंठक बसेर निवेदनको सिलबन्दी खोल्ने छ। ‘अहिलेनै हामीले को कसले आवेदन दिए भन्ने जानकारी दिन सकिदैन,’ प्रवक्ता आचार्यले भने, ‘समितिको बैठक बसेर मुचुल्का उठाएर मात्र सबैको जानकारी लिने काम र विवरण सार्वजनिक गरिनेछ।’
