सोलुखुम्बु जिल्ला – हिमाली जिल्ला सोलुखुम्बुमा अवस्थित टाकासिन्दु गुम्बा (मठ) बौद्ध धर्मावलम्बीहरूको महत्वपूर्ण आस्थाको केन्द्रका रूपमा परिचित भएको छ। विश्वकै सर्वोच्च शिखर सगरमाथा का कारण अन्तर्राष्ट्रिय रूपमा चर्चित यस क्षेत्रमा रहेको उक्त गुम्बा धार्मिक तथा सांस्कृतिक दृष्टिले विशेष महत्व रहेकाे छ ।
टाकासिन्दु गुम्बा, जसलाई टागोन शेड्रुप थार्लिङ मठका नामले पनि चिनिन्छ, सगरमाथा क्षेत्रका सबैभन्दा पुराना गुम्बामध्ये एक मानिन्छ। स्थानीय बासिन्दा तथा तीर्थयात्रीहरूका लागि यो गुम्बा आध्यात्मिक साधना र श्रद्धाको केन्द्र बनेको छ।
इतिहासअनुसार, यस गुम्बाको निर्माण करिब सन् १९४० देखि १९४६ को अवधिमा गरिएको विश्वास गरिन्छ। यसको निर्माण तेङबोचे गुम्बा का एक सम्मानित रिन्पोछे (उच्च पदका बौद्ध भिक्षु) को मार्गदर्शनमा सम्पन्न भएको बताइन्छ। त्यसयता यो गुम्बा बौद्ध धर्मको शिक्षा, साधना तथा धार्मिक गतिविधिहरूको प्रमुख केन्द्रका रूपमा विकास हुँदै आएको छ।
हाल पनि टाकासिन्दु गुम्बामा नियमित पूजा, प्रार्थना तथा विभिन्न धार्मिक उत्सवहरू आयोजना हुने गरेका छन्, जसले स्थानीय संस्कृति संरक्षणमा महत्वपूर्ण योगदान पुर्याउँदै आएको छ। साथै, सगरमाथा क्षेत्रमा भ्रमण गर्न आउने स्वदेशी तथा विदेशी पर्यटकहरूका लागि पनि यो गुम्बा आकर्षणको केन्द्र बन्दै गएको छ।
धार्मिक, ऐतिहासिक तथा पर्यटकीय महत्व बोकेको टाकासिन्दु गुम्बा सोलुखुम्बुको पहिचानसँगै नेपालको सांस्कृतिक सम्पदाको एक महत्वपूर्ण धरोहरका रूपमा स्थापित हुँदै गएको छ।
